Хезмәт кодексында беркетелгән гомуми кагыйдә буенча, хезмәткәр эштән китәргә җыенуы турында эш бирүчегә кимендә 2 атна алдан хәбәр итәргә тиеш. Бу вакыт эш бирүче эштән китү турында гаризаны алган көннең икенчесеннән башлана. «КонсультантПлюс» сайтында шул хакта язылган.
Ике атна «отработка» дип атала торган вакыт хезмәткәр һәм эш бирүче үзара килешү буенча кыскартыла ала. Өстәвенә, закон хезмәткәрне эштән китү турында кисәткән вакыт дәвамында эш урынында булуын мәҗбүр итми. Ул отпускка, больничныйга китә ала, бу очракта эштән китү сроклары үзгәрми.
Ике атналык «отработка» турында гомуми кагыйдәдә закон белән беркетелгән искәрмәләр дә бар. Сынау срогы вакытында эштән киткән очракта, эштән китү турында кисәтү срогы 3 көн, оешма җитәкчесе эштән киткәндә – 1 ай, диелә хәбәрдә.
