Посттагы ике чик сакчысын яшен сугып үтергән

Азәрбәйҗанда постта дежур торган ике чик сакчысын яшен сугып үтергән.

Бахыш Бахышлы һәм Али Нагиев исемле ике чик сакчысы Ленкорань погранотрядында хезмәт иткән. Бу – Иран чигендә. Яшенле яңгыр ява башлый, әмма чик сакчылары постта кала.

Азәрбәйҗанның дәүләт чик хезмәте бу уңайдан тикшерү барганын әйткән. Хәрбиләрнең якыннарының кайгыларын уртаклашканнар.