Плюс-сайз размерлы модель Сарра Милликен «Мисс Алабама» бәйгесендә җиңеп милли финалга чыкканнан соң, мыскыллауга дучар булган. Интернет кулланучылар аның тышкы кыяфәтеннән көлгән, дип яза «ОТР» сайты «Daily Mail» басмасына сылтама белән.
23 яшьлек кыз «National American Miss» бәйгесендә җиңә. Бу бәйге «эчке табигый матурлыкны көчәйтеп, уңай үзбәя» булдыруга йөз тота. Бәйгенең сайтында язуларынча, тышкы кыяфәттәге үзенчәлекләр, мәсәлән, артык авырлык яки тән тиресе проблемалары – болар барысы да кешенең бер өлеше, һәм оештыручылар нәкъ менә шуларны «танытырга тели» дә инде.
Тик Милликенның җиңү шатлыгы озакка бармый, чөнки интернетта аңа стандарт булмаган формаларына кагылышлы ямьсез, үпкәләтә торган комментарийлар яза башлыйлар.
«Хәтта сез экранда язган сүзләр дә кешеләргә онытылмаслык тәэсир калдырырга мөмкин. Мин һәрвакыт позитив таратырга теләдем», – дип язган ул үзе.
Тик шулай да, Сарраның җанатарлары да бик күп. Аңа бөтен дөньядан теләктәшлек сүзләре һәм реклама тәкъдимнәре килә, диелә хәбәрдә.
