Татарстанның Бөгелмә районы Татар Димскәе авылын су баскан. Бу видео социаль челтәрләрдә чыкты.
Видеода күренгәнчә, авыр урамнары буйлап яңгыр суларыннан «ясалган» елга ага, агач ботаклары да җирдә аунап ята. Шулай ук авыл зиратын да су баскан, дип яза «Именно шулай» телеграм-каналы.
Бөгелмә районы башлыгы Линар Закиров бу хәлгә аңлатма бирде.
«Бүген көчле яңгырлар аркасында Татар Димскәе авылын су басты. Бәхеткә, һәлак булучылар, зыян күрүчеләр юк. Торак йортларга да зыян килмәде. Социаль объектлар да штат режимында эшли.
Халыкны эвакуацияләү һәм вакытлыча яшәү урыннары булдыру таләп ителми. Хәлне контрольдә тотабыз! Барысы да яхшы. Зыян күрүчеләр һәм җимерелгән урыннар юк!» – дип сөйләгән ул.
