Британия аналитигы Александр Меркурис үзенең YouTube-каналында берничә айдан соң махсус хәрби операция уздыру зонасында зур сугышлар булачагын фаразлый, алар конфликт башланганнан бирле иң масштаблысы булачак.
Ул билгеләп үткәнчә, хәзер Россия һөҗүме өчен җирлек әзерләнә генә, ә төп вакыйгалар, бәлки, көз көне «Славянск һәм Краматорск юнәлешендә» барачак. «МК» шул турыда яза.
Аналитик сүзләренчә, бу «иң зур сугыш булачак» һәм әгәр Россия армиясе уңышларга ирешсә, ул бөтен төньяк һәм Үзәк Донбассны үз контроленә алачак.
Меркурис нәтиҗә ясаганча, Россия төркеме өчен Днепр елгасына һәм Киевтан ерак булмаган районнарга кадәр юл ачылачак. Шул ук вакытта ул тагын бер тапкыр искәрткәнчә, иң масштаблы сугышларның берсе «офыкта күренеп тора».
