Зур сәхнә, яңа җәүһәрләрне каршы ал!
Яңа исемнәр, яңа җырлар, яңа шоу! «Халык җәүһәрләре» милли-мәдәни фестиваль - конкурсының БЕРЕНЧЕ җиңүчеләре сезне кабатланмас бәйрәм киченә чакыра!
Йөзләгән сәләтле артистлар арасыннан нәкъ менә алар сайлап алынды! Алар арасында җырчылар, биючеләр, музыкантлар. Һәркайсының үз тормыш юлы, һөнәре. Шундый гади һәм шул ук вакытта сәләтле алар!
Кичәдә сезне Кытай, Төркия, Әзербайҗан, Казахстан, Үзбәкстан һәм Россиянең төрле төбәкләреннән килгән, чын мәгънәсендә җәүһәр исеменә лаек булган ЯҢА артистлар һәм тамашачы инде яратып өлгергән Гөлнәзирә Талипова, Рисәнә Мостафина, Азат Нургалиев, Равил Гәрәев, Ильмира Заһидуллина, Сәрия Нәбиуллина сөендерәчәк!
Гала - концертны Гөлназ Сәфәрова алып бара!
Гала-концертның үткәрелү урынын да артистларыбызга тиң булырдай итеп сайладык!
14 март «Пирамида»да зур бәйрәмдә очрашканчыга кадәр!
Алар - безнеке, үзебезнеке!
