Эльвина Сабирҗанова үзенең «Язмыш җиле» дигән яңа җырын тәкъдим итте.
«Әлеге җырны мин улымны сагынып жырлыйм,ул бүгенге көндә армиядә хезмәт итә. Кемдер сугыштагы балаларын күз алдына китереп тыңлар. Бер тамашачым: «Минем улым һәлак булды, шул җырыгызны еламыйча тыңлап булмый, улымны юксынам», - дип язган иде.
Ә кемдер, бәлки, элекке мәхәббәтләрен күз алдына китерер.
Бик рәхмәтлемен җырның сүзләре һәм көй авторы Гөлнар Исхаковага. Алга таба тагын да матуррак, мәгънәлерәк жырлар булып торсын», - дип яза ул ВКонтакте сәхифәсенә.
Җырда:
«Суга төшәм, суда йөзәм,
Белмисез хәлләремне.
Йөрәгемдә ялкын сүнми,
Нишләргә соң әйт инде.
Сандугачтай сайрый-сайрый,
Кунарга тал эзләдем.
Парсыз калган аккош кебек
Өзгәләнә үзәгем», – дигән юллар бар.
