Намаз укучы 14 кешене берьюлы яшен сугып үтергән

Угандада берьюлы 14 кешене яшен сугып үтергән. Алар урамда намаз укый торган булган. Бу турыда РЕН ТВ хәбәр итте.

Мәрхүмнәр качаклар лагерендә яши. Фаҗига Африкадагы бу илнең Ламво шәһәрендә була. «Associated Press» бу турыда полициягә сылтама белән яза.

«Фаҗига шимбә көнне Ламвода булды. Тагын 34 кеше имгәнде», – диелә хәбәрдә.

Агентлык хәбәр иткәнчә, лагерьдә яшәүчеләрнең күбесе Көньяк Суданнан килгән. Яшен сукканда, алар үзләре ясаган металл корылма эчендә намаз укыган, диелә.