Төмән өлкәсендә 22 октябрьдә фаҗига була. Иртәнге якта Боровлянка авылында шәхси йортка ут каба. 13 яшьлек малай белән әнисе янып үлә. Әтиләре һәм 3 бала котыла. Бу турыда «Комсомольская правда» яза.
Башта ялкын бер катлы бинаны чолгап ала, аннары янкормага һәм верандага күчә. Санаулы секундларда бөтен авыл халкы алдында өй янып бетә. Авылдашлары ярдәм итәргә маташа, 3 баласы белән өйдән чыгарга өлгергән әти кешегә булышалар.
«Өйдә 6 кеше яши, гаилә башлыгы 3 баланы урамга алып чыга. Ул пешә, аны хастаханәгә озаттылар. Янгын сүндергәндә коткаручылар 30 яшьлек хатын-кыз һәм аның 13 яшьлек улының мәетен тапты», – дигәннәр Гадәттән тыш хәлләр министрлыгында.
«КП»га билгеле булганча, янгын ут белән саксыз эш итү аркасында чыккан булуы ихтимал. Белгечләр янгынның төгәл сәбәбен берничә атнадан ачыклаячак.
Авыл халкы сүзләренчә, бу өйдә яшәүче гаилә бик яхшы. Әтиләре гел эшли, мәрхүмә әниләре хуҗалык эшләре белән шөгыльләнә, балаларны тәрбияли.
«Без тәрәзәдән ут күрдек тә чыгып чаптык. Әтиләре балаларын кулына күтәреп алып чыга иде, өйдән алып чыкты, бөтен җире яраланган, барысын да коткарырга маташты, ләкин…» – ди авыл кешеләре.
