Кукмараның Җәлилчеләр урамында шәхси йортта зур янгын булган. Бу турыда коткаручыларга сылтама белән «Татарстан 24» каналы хәбәр итте.
Фаҗига 13 октябрьдә көндез була. Янгын сүндерүчеләргә 13.55 сәгатьтә шалтыраталар.
Урынга килгән янгын сүндерүчеләрне урамда өй хуҗасы каршы ала. Ул өйдә дә, ишегалдында да кешеләр калмавын әйтә. Хуҗа өйдән үзе чыккан.
Бу вакытта веранда, өй түбәсе, мунча түбәсе, гаражның чарлак өлеше яна. Күрше йортларга да ут күчү куркынычы була.
Янгында өйнең чарлагы, эче, гараж түбәсе янып бетә.
Күрше йортларны уттан саклап калалар. Имгәнүче һәм һәлак булучы кешеләр юк, диелә хәбәрдә.
