Фото: Гадәттән тыш хәлләр министрлыгы, https://www.bashinform.ru
Башкортстанда мунча яккан чакта ир белән хатын имгәнгән. Бу турыда «Башинформ» Гадәттән тыш хәлләр министрлыгына сылтама белән хәбәр итте.
Чесноковка авылында яшәүче ир-ат мунча ягарга җыена. Утынга ут тизрәк капсын өчен ул бензин ала. Бензинга ут каба, ул яна башлый. Ир-ат 5 литрлы шешәне артка таба ыргыта. Шул чакта мунчага ир-атның хатыны кереп килә торган була. Ир-ат ягулыкны ялгыш хатыны өстенә коя.
Янгын вакытында 43 яшьлек хатынның башы, куллары һәм гәүдәсенең 50 проценты 2 нче дәрәҗәдә пешә. Хәзер бу хатын авыр хәлдә хастаханәдә реанимациядә ята.
44 яшьлек ир-атның куллары пешкән, ул да хастаханәдә ята. Аның хәле канәгатьләнерлек дип бәяләнә.
Янгынны сүндергәннәр, диелә хәбәрдә.
