Ливанда булган киберһөҗүм вакытында илдә меңләгән гаджет шартлады. «Mash» телеграм-каналы хәбәр иткәнчә, шул ук вакытта Мәскәүдә бер ир-атның, Арбат урамыннан барган чакта, кулында кәрәзле телефоны шартлаган.
«Безнең мәгълүмат буенча, 70нче модельле «Honor» смартфоны шартлаган. Ир-атның кулы җәрәхәтләнгән», – диелә хәбәрдә.
Зыян күрүче билгесез юнәлештә китеп югалган. Шаһитлар вакыйга урынына оператив хезмәтләр чакырткан.
Хәзерге вакытта хокук саклау органнары хезмәткәрләре зыян күргән ир-атны эзләү белән шөгыльләнә. Телефонны экспертларга тапшырганнар – аның Ливанда шартлаган техника партиясе белән бәйле булу-булмавын тикшерәләр. Смартфонның аккумуляторы артык кызган да булырга мөмкин.
