Раяз Фасыйхов Себер якларына чыгышлар ясарга барганда, «МИ-8» вертолеты белән идарә итүче пилотның татар булуына сөенгән.
«Шундый матур җирләрне кайчан да булса күрербез дип уйладыкмы икән, уйламадыкмы икән. Әмма иң мөһиме: пилотыбыз татар абзые Рәмис абый булып чыкты. «МИ-8» вертолетында очып килдек. Пилот очраклы рәвештә генә Казанныкы булып чыкты. Менә егетләр белән рәхәтләнеп татарча сөйләшеп торабыз. Арабызда бер башкорт, ул да татарча сөйләшергә тырыша», – дип таныштыра ул пилот белән.
Пилот Рәмис абый Казанга, барлык җырчыларга һәм Раязның барлык язылучыларына зур сәламнәр дә җиткергән. «Ялт иттереп татарча сөйләшә. Кыз да татарга кияүгә чыкты, дип тә сөенеп йөри икән әле», – дип мактаган җырчы тагын бер тапкыр якташыбызны.
