Ильмира Нәгыймова энесенең хәрби операциягә китүен хәбәр иткән иде. «Иртәгә бертуган энемне махсус хәрби операциягә алып китәләр. Исән-сау гына әйләнеп кайтсын», – дип җиткергән иде ул бу яңалыкны, һәм башка мәгълүмат әйтмәде.
Бүген җырчы энесенең хәрби операция зонасыннан элемтәгә чыккач төшерелгән видеосын күрсәтте. Энесе хәрби формадан, тәрәзәсез, караңгы, кысан гына бүлмәдә утыра.
«Так и китте бит бертуган энем, үз теләге белән. Барып җиттем, дип шалтыратты», – дип язган бу турыда Ильмира Нәгыймова.
Ильмира Нәгыймова Менделеевск районы Ижевка авылында 5 балалы гаиләдә үскән. Апасы фаҗигале төстә һәлак булган. Абыйсы коронавирустан 2022 елда 36 яшендә вафат булды. Сеңлесенең йөрәгендә кардиостимулятор тора. Энесе хәзерге вакытта хәрби операциядә.
