Кремль яр буенда авариядә җиңел машина әйләнеп капланган - видео

Казанның Кремль яр буенда авариядән соң, җиңел машина түбәсенә әйләнеп капланган. Бу турыда «Татарстан 24» яза.

Яннан бәрелешү нәтиҗәсендә капланган Renault машинасын йөртүче имгәнгән, аны хастаханәгә илткәннәр.

Аварияне шаһитларның видеорегистраторы төшереп алган. Кадрларда кроссоверның уң як полосага күчәргә маташуы һәм шул чакта Mazda машинасына бәрелүе күренә. Аннары Renault каплана һәм Hyundai машинасына да бәрелә.

Тикшерү бара, диелә хәбәрдә.