Композитор Фәрит Хатыйпов «Ирек мәйданы» газетасына авыруы турында сөйләгән:
–- Икенче мәртәбә ковид белән авырдым. Ул чир беркая да китмәде... 1 атна хастаханәдә ятып чыктым. Арчага кайтып килдем. Гөлләргә су сиптем. Ояга сыерчык килгән, шуңа шатландым. Җәен Арчада яшибез, кышын өй буш тора. Җылылыкны өзмибез. Шуңа еш кайтып йөрим. Бакчада ара-тирә эреми калган кар бар иде, мичкәләргә тутырып куйдым. Суы мунча өчен яхшы, йомшак.
Сәхнәдә соңгы арада бик чыгыш ясаган юк. Фәрит абыеңа 76 яшь бит инде. Көйләр язылып тора. Яшь җырчы, талантлы Зәринә Хәсәншина белән бик матур эшлибез, уртак премияләребез бар. Тәүге концертына кунак буларак чакырды.
