Ставрополь краеның Богомолов хуторы янында Ту22М3 самолеты һавада яна башлап, җиргә төшеп бәрелгән. Бортта дүрт очучы булган. Бу хакта Россия Оборона министрлыгы раслады, дип яза "База" Телеграм-каналы.
Ике очучыны тапканнар. Аларны хастаханәгә алып киткәннәр.
Беренче мәгълүматлар буенча, тагын бер очучы катапульта ясарга өлгергән. Хәзер аны эзлиләр.
Дүртенче очучының язмышы әлегә билгеле түгел.
Министрлык хәбәр иткәнчә, самолет хәрби бурычын үтәп, аэродромга кайтканда һәлакәткә очраган. Якынча мәгълүматлар буенча, һәлакәт сәбәбе – техник төзексезлек. Самолет бортында боекомплектлар булмаган, диелә хәбәрдә.
