Танылган алып баручы Гөлназ Сәфәрова социаль челтәрдәге сәхифәсендә язылучыларының сорауларына җавап биргән.
«ЗАГСта никахны рәсмиләштермичә яшәүгә ничек карыйсыз?» – дигән сорауга: «Беренче чиратта, иң мөһиме – никах. Ә аннары – кәгазьләр, штамп, мөһер. Әмма мин никахсыз һәм ЗАГСта никахны рәсмиләштермичә, ир-ат белән яшәмәс идем. Бу тәртип өчен кирәк. Тормышта – тәртип, партнер алдында – вазифа һәм җаваплылык, үзеңә – хөрмәт», – дип җавап биргән алып баручы.
Гөлназ Сәфәровадан «сезне кем тәэмин итә» дип тә кызыксынганнар.
«Мин үземне тәэмин итә алам. Күп эшлим, күп алам һәм күп тотам», – дип җавап биргән ул.
