Резидә Шәрәфиева социаль челтәрдәге сәхифәсендә бит өчен өй шартларында ясый торган маска рецепты белән уртаклашкан.
Ингредиентлар: 100 грамм сөт өсте (34 процентлы сливки), 2 бал кашыгы коньяк, 1 аш кашыгы бал, 1 йомырка сарысы, 2 аш кашыгы лимон согы. Барысын бергә салып болгатырга, әзер масканы суыткычта сакларга кирәк.
«Бик яхшы рецепт, күптәннән ясыйм. Бик яратам, битнең тиресе йомшак, майлы булып тора. Йоклар алдыннан биткә, муенга сөртергә, 20 минут тотарга, аннары мамык дискларны кайнаррак суга чылатып сөртеп алырга да, шул килеш йокларга ятарга, юынырга кирәкми. Иртән ялт итеп һәм матур итеп уянасыз», – дип, масканы сөртеп күрсәтә җырчы.
