Мәскәүнең «СМ-Клиника»сында пластик операция ясатканнан соң вафат булган пациент хатын моның начар төгәлләнәсен сизенгән. Бу хакта аның ире «Mash» Телеграм-каналына сөйләгән, дип яза LIFE сайты.
Фото: © Mash Телеграм-каналы
40 яшьлек Юлия Мәскәүнең Сенежская урамындагы клиникада корсагын тарттыру өчен операция ясатырга уйлый. Үлеменә бераз вакыт кала, ул гаиләсенә ниндидер фаҗига булачагын сизенүен әйтә. Хәтта Юлиягә операция ясауны кичектереп торырга туры килә, чөнки аның гемоглобины түбән була, һәм аңа тимер препараты белән капельница курсы билгелиләр.
Юлиянең ире сүзләренчә, соңгы көннәрдә хатыны нык борчылган һәм хастаханәгә барыр алдыннан аңа куркыныч үгет әйтеп калдыра.
«Әгәр үлсәм, бу эшне үз агымына гына җибәрмә», – дип әйтә Юлия.
40 яшьлек Юлия быелның 14 апрелендә Мәскәүдәге шәхси «СМ-Клиника»да корсакка абдоминопластика ясату операциясеннән соң вафат булган. Беренчел мәгълүматлар буенча, ул тромб өзелү аркасында үлгән. Җинаять эше ачылган.
