Руслан Кираметдинов «Чаллы ТВ» телеканалында чыга торган «Ачыктан ачык сөйләшү» тапшыруына кунак булып килгән.
Алып баручы Лилия Гатина, Сиринә Зәйнетдинова белән башкара торган «Хыянәт» җырына бәйләп, Русланга: «Хыянәтне кичерер идеңме?» – дип сорау биргән.
«Мин беркайчан да хыянәтне гафу итә алмас идем. Чөнки мин аның аша үттем. Ул гафу итә торган әйбер түгел. Андый әйбер белән яшәп булмый дип саныйм мин», – дип җавап кайтарган аңа Руслан.
Сүз уңаеннан, Русланны әлеге тапшыруның алып баручысы Лилия Гатина белән дә бик еш күрәләр. Җырчы социаль челтәрдәге сәхифәсенә дә Лилия белән төшкән фотоларын еш урнаштыра. Ә тамашачысы исә, Руслан белән Лилияне нәрсә бәйли икән дип баш вата.
