Оренбург янындагы бистәдә яшәүчеләр үзләре дамба төзегән. Алар 3 миллионга якын акча җыйган һәм 5 тәүлек буе эшләгән. Бу хакта База Телеграм-каналы яза.
Урал елгасындагы су күтәрелә башлагач, Перовский бистәсендә яшәүчеләр суның өйләргә кадәр үк килеп җитәчәген аңлый. Кешеләр үзләре 3 миллион сум акча җыйган, дамба проектын ясаган һәм меңләгән кубометр балчык кайтартып, эшли башлаган. Алар 1,5 километр озынлыктагы дамбаны үз көчләре белән тәүлекләр буе төзегән. Ирләр көрәк тотып эшләсә, хатын-кызлар ашау ягын кайгырткан. Һәр гаиләгә дежурлык бүлгәннәр – кемдер пылау, кемдер ит пешергән. Погрузчиклары булган кешеләр дә ярдәм иткән. Төнлә дә дежур торганнар, корылма берәр җирдән агып ятмыймы дип, фонарьлар белән яктыртып карап йөргәннәр.
Дамба (картада кара төс белән билгеләнгән, ә кызыл һәм зәңгәр төсләр – дамба булмаган очракта су басу ихтималы булган урыннар) нык тора алган. Су биш көн т
Бистәдә яшәүчеләр сөйләгәнчә, аларга администрациядән бернинди ярдәм дә булмаган. Гадәттән тыш хәл режимы вакытында түләнә торган акча да, янәсе, яшәү шартларын бозган өчен түләнмәгән. Өстәвенә, кайбер түрәләр, үзбелдеклеләнеп, килешенмәгән дамба төзегән өчен җәза бирү белән янаган.
