Кузбасста да язгы ташу башланды. Кемерово өлкәсенең Усть-Кабырза авылында төшерелгән күренешләр социаль челтәрләрдә таралды. Видеода Мрассу елгасының ташып агуы күренә. Су үзе белән йорт хайваннарын, төрле корылмаларны, ишегалдындагы кирәк-яракларны да агызып алып китә. Җирле халык сүзләренчә, аларга беркем дә ярдәм итми, дип яза «База» телеграм-каналы.
Гадәттән тыш хәлләр министрлыгында хәбәр итүләренчә, төбәк территориясендә су басу ведомство хезмәткәрләре контролендә. Администрациядә исә берничә дистә кешене эвакуацияләүләре турында әйткәннәр.
Торак пунктта ут юк һәм мобиль элемтәдә өзеклекләр белән эшли.
