Фото: "Татарстан 24" каналы видеосыннан скриншот
Казанда җиңел машина кибет витринасына бәрелгән. 3 кеше, шул исәптән 1 бала имгәнгән. Аларны хастаханәгә салганнар. Бу турыда «Татарстан 24» каналы хәбәр итте.
«Honda» машинасы Короленко урамындагы кибет витринасына бәрелгәнен телеканал корреспонденты хәбәр иткән.
Якынча белешмә буенча, рульдә барганда йөртүченең хәле киткән. Машина каршы як полосага чыккан һәм бинага барып бәрелгән. Нәтиҗәдә витрина ватык, машина да йөрерлек хәлдә түгел.
Авария вакытында машина салонында 7 яшьлек малай, ике олы кеше була. Аларны ашыгыч рәвештә хастаханәгә алып китәләр.
Шаһитлар сүзләренчә, бәрелешер алдыннан «Honda» йөртүчесе аңын югалткан.
Тикшерү эшләре бара, диелә хәбәрдә.
