Ильмира Нәгыймова плакатка язып калдырган сүзләрне бер кыз үз кулына «тату» итеп ясаткан

Фото: Ильмира Нәгыймованың социаль челтәрдәге сәхифәсеннән

Ильмира Нәгыймова концерты тәмамланганнан соң, аның янына бер кыз килгән. Ул җырчыга кулын күрсәтә, ә анда «ярат мине» дип язылган.

«Хәтерлисеңме миңа плакатка нәрсә язган идең?» – ди Нәгыймовага фанаты.

«Карагыз әле, кешеләр ни эшли. «Ярат мине» дип кулына яздырган. Бу сөртелмиме? Искитмәле. Менә бу мәхәббәт», – дип кочаклап ала җырчы фанатын.