Фото: © «Татар-информ», Салават Камалетдинов
Тикшерүчеләр Татарстанда мәктәп яшендәге балаларга карата азгын гамәлләр кылу турындагы маддә буенча җинаять эше кузгаткан. Шик төшкән ир-ат берничә эпизодта гаепле булырга мөмкин.
Телефонда уйнала торган PING Mobile уенында үзенә корбаннар эзләгән педофилның Татарстанда тоткарлануы турында моңа кадәр Telegram-каналлар хәбәр иткән иде. Алардагы мәгълүматлар буенча, кимендә өч бала зыян күргән.
Бу кешегә 43 яшь. Ул Ростов өлкәсеннән Татарстанга күченгән, бер маркетплейс складында эшләгән.
«Җинаять эше 4 апрельдә РФ ҖК 135нче маддәсенең 3нче өлеше буенча кузгатылган (Ике яки аннан да күбрәк кешегә карата кылынган азгын гамәлләр)», – дигән Тикшерү комитетының төбәк вәкиле журналистларга.
Суд булган. Ул киләсе ике айны тикшерү изоляторында уздырачак.
