Бөгелмә районында балаларның су буенда уйнавы фаҗига белән тәмамланган. Бу хакта МЧС хәбәре чыкты.
Подгорный бистәсендә балалар Солыяз елгасы яр буенда уйнаганнар. Яр биек була, бераздан балалар 2014 елгы малайны югалталар. Башта үзләре эзли, аннары таба алмагач, өлкәннәрне чакыралар. Полиция бистәдәге кешеләр ярдәме белән баланы эзли башлый һәм аны Солыяз елгасында табып алалар. Ул ярдан 2 метр ераклыкта суда табыла. Баскыч куеп, аның мәетен тартып чыгарганнар.
МЧС су буенда, боз өстендә уйнауның гомер өчен куркыныч икәнлеге турында кисәтә.
