ТНВ каналы журналистлары, дроннар һөҗүменнән соң, Алабугага туры эфир төшерергә барган. Туры эфир алдыннан кара күзлекле бер кеше камераларны каплап, съемкаларга комачауламакчы була.
ТНВ каналы хәбәр итүенчә, микрофоннарны йолкып алып, камераны ватмакчы да булганнар (видеода бу күренеш юк).
ТНВ каналы видеога эләккән кешенең кем икәнен ачыкларга тели, аннары хокук саклау органнарына хәбәр итәчәкләрен язганар. Бу кешенең кем икәнен белүчеләрнең ТНВ почтасына хәбәр итүен сорыйлар.
Хокук саклау органнары, бу видеога тиешле хокукый бәя бирерләр дип өметләник.
