Эльмира һәм Филүс Каһировлар шәһәр читендә йорт салганнар. Эльмира сторисларында яңа йортларының фотоларын күрсәтте.
«Кайчан күченәсез?» – дип кызыксынучыларга Эльмира: «Ремонт ясагач, Алла бирсә. Хәзер бөтен көч шуңа юнәлтелә. Дизайн-проектын төгәлләп киләбез. Акча җыябыз һәм апрель-майда ремонтны башларга уйлап торабыз», – дип язган.
«Фатир алыйкмы икән, әллә йорт салыйкмы?» – дип киңәш сораган язылучыларына:
«Мин ничек кирәк икәнлеген әйтә алмыйм. Һәркем үзе сайлый инде. Үз тәҗрибәмнән чыгып әйтәм – мин максатларга омтыла торган кеше. Карарлар кабул итүдән курыкмыйм. Алга атларга һәм ялгышырга курыкмыйм. Аллаһка шөкер, ирем белән белән тормыш позицияләребез туры килә.
Шәхсән безнең гаилә өчен йорт та, фатир да булу кирәк. Безнең, балаларның графигы, кайвакыт, шәһәрдә калуны да таләп итә. Әмма шәһәр читендәге тормыш – табигать белән берлектә булу, шәһәр ыгы-зыгысыннан качу өчен мөмкинлек», – дип язган ул.
