Кичә Мәскәү өлкәсендәге «Крокус Сити Холл»га һөҗүм вакытында Кировта яшәүче ир белән хатын һәлак булган. Бу турыда «Город Киров» хәбәр итте.
Аларга дуслары «Пикник» төркеме концертына билет бүләк иткән булган.
Яшь ир белән хатын күптәннән «Пикник» концертына барырга хыяллана. Быел сәбәп тә табыла – ире Павелга тиздән 35 яшь тула. Шуңа күрә ир белән хатын бүләккә бик сөенә.
Концерт алдыннан Павел белән Ирина туганнарына шалтырата, тиздән концерт башлана, дип күңелле генә хәбәр итәләр. Ләкин туганнары алар белән кабат элемтәгә чыга алмый инде. Бу вакытта ир белән хатынның мәетен моргка алып киткәннәр, диелә хәбәрдә.
Павел җиһазлар җыючы булып эшли, Ирина фотография белән мавыга, дип яза басма.
