Казанның Идел буе районындагы йортларның берсе янында 2 ир-ат «асфальт бүлешә алмаган» һәм сугышканнар. Бу турыда «Татарстан 24» хәбәр итте.
Әлеге кадрлар социаль челтәрләрдә чыкты. Анда бер ир-ат парковкага килеп туктый. Моңа кадәр биредә туктап торган ир-ат машинасыннан чыга, яңа килеп туктаган ир-ат янына барып килә. Аннары алар тарткалаша башлый.
Эчке эшләр министрлыгының Казан шәһәре буенча идарәсе белешмәсе буенча, әлеге очрак Павлюхин урамында булган.
Сугыш чыгарган 43 яшьлек ир-атны тоткарлаганнар һәм полиция бүлегенә китергәннәр. Ул – Казан кешесе. Аңа карата «вак хулиганлык» маддәсе буенча протокол төзегәннәр.
Зыян күрүче ир-ат машинасын механик зыян китерү турында гариза язган.
Хәзер тикшерү эшләре бара, диелә хәбәрдә.
