«Хозур» нәшрият йорты «Дин вә мәгыйшәт» редакциясенең «Ислам турында татарча, аңлаешлы итеп язабыз» дигән телеграм-каналында ураза тотканда спорт белән шөгыльләнергә ярыймы икәнен аңлаталар.
Уразада килеш спорт төрләре белән шөгыльләнү (бик каты тирләү, мәсәлән) уразаны бозарга мөмкинме?
Уразаны боза торган гамәлләрдән кала башка гамәлләр белән шөгыльләнү уразаны бозмый. Спорт белән, үзегезгә авырлык китермәсәгез, шөгыльләнергә була. Ураза сезгә авырлык булып тоелмасын өчен, спорт белән шөгыльләнү, организмны талчыктыра торган авыр хезмәтләрне ураза вакытында калдырып торырга киңәш ителә.
