Ришат Фазлыйәхмәтовның өстенә түбәдән кар ишелеп төшкән

Фото: Ришат Фазлыйәхмәтовның социаль челтәрдәге сәхифәсеннән

Авылда Ришат Фазлыйәхмәтовның өстенә түбәдән кар ишелеп төшкән. Бу хакта ул төп йорты түбәсендәге карны видеога төшереп, социаль челтәрдә хәбәр итә.

«Нишләп түбә күрсәтә икән бу дип уйлыйсыздыр инде. Дуслар, түбәдәге карны чистартырга кирәк. Бераз чистарттым инде. Менә капкадан кереп килә идем, шушы кар шуып төште дә, коендырды мине», – дип хәбәр итә җырчы.

Ришатка җитди зыян күрмәгәнгә шатлан-шатлана карны көрәп бетерәсе генә кала.