Фото: © Эльмира Камалиева видеосыннан скриншот
Аш-су остасы Эльмира Камалиева кишердән рулет ясау рецепты белән уртаклашты.
Кишер рулеты өчен:
400 гр, ягъни 2 зур кишер,
3 йомырка,
тоз,
60 гр он кирәк.
Эчлек творожный сырга яшел суган салып ясала.
Эш тәртибе: кишерне вак тешле кыргычта уарга, 3 йомырканың агын күпертергә.
Табада 2-3 минут кыздырылган кишергә 3 йомырка сарысы, 60 грамм он, тоз кушып болгатырга. Шушы массага күпертелгән йомырка агын кушарга. Бу камырны пергамент кәгазенә җәеп, 180 градуска кызган мичтә 20 минут пешереп алырга.
Яшел суган белән творожный сырны пешкән камырга сылап, рулет итеп төрергә.
