Дару эчсәң, ураза бозыламы?

«Хозур» нәшрият йорты «Дин вә мәгыйшәт» редакциясенең «Ислам турында татарча, аңлаешлы итеп язабыз» дигән телеграм-каналында уразаны бозу турында аңлаталар.

Ураза вакытында дару эчсәң, ураза бозыламы?

Әйе, ураза бозыла.

Уразаны түбәндәге 4 төрле эш боза:

• Борчак кадәр генә булса да берәр ризык яки дару йоту.
• Бер тамчы кадәр генә булса да су яки дару йоту.
• Якынлык кылу.
• Авыз тутырып косу.

Аллаһы Тәгалә барыбыздан да риза булсын.