14 мартта Татарстанда аязучан-болытлы, явым-төшемнәрсез һава торышы була. Көньяк-көнбатыштан уртача тизлектә, көндез урыны белән 15 метр тизлектә көчле җил. Төнлә һава температурасы -4..-9˚, көндез -2..+3˚ градус. Юлларда бозлавык.
Үсүче ай, ай үгезбозау йолдызлыгында.
Үсемлекләргә су һәм минераль ашламалар сибәргә була. Рассадага чәчү өчен томат, борыч, баклажан, кәбестә, хуш исле тәмләткечләр һәм дару үләннәре орлыкларын суда бүрттерү өчен уңай вакыт. Озын булып үсә торган борыч рассадаларын зур савытларга күчереп утыртырга кирәк.
