2 марттан башлап ОСАГОны 1 көнгә дә сатып алып була. Бу турыда «АиФ» яза.
Россия автостраховщиклар берлеге президенты Евгений Уфимцев сүзләренчә, автомобиль 1-2 тәүлеккә яки 1 атнага кирәк булса, страховканы шулкадәр вакытка рәсмиләштереп була. 7 көнгә кыска полис бәясе, әлбәттә, 1 айлык полистан арзанрак тора. Тик көнлек чыгымнарны санасаң, аны отышлы дип әйтеп булмый.
«Шуны аңлау мөһим, йөртүчеләр кыска полис белән акча янга калдыра алмый. Мәсәлән, 1 айлык ОСАГО килешүен алучылар, нәтиҗәдә, еллык полис өчен кыйбатрак түли килеп чыга», – ди Уфимцев.
Кыска ОСАГО алганда иминият компаниясенең база тарифы һәм коэффициентлары кулланыла. Бу – йөртүченең яше һәм стажы, яшәү урыны, двигательнең егәрлеге һәм башкалар, диелә хәбәрдә.
