Новосибирск шәһәрендә бала тудырган чакта сабый травма алган, һәм аны өлешчә паралич суккан. Бу турыда РЕН ТВ хәбәр итте.
Әлеге факт буенча Россия Тикшерү комитеты җинаять эше ачкан. Тикшерүне комитет рәисе Александр Бастрыкин контрольгә алган.
«Новосибирскида яңа туган сабыйның кулы параличланган. Бу хәл бала тудыру процессында травма алу нәтиҗәсендә булган, дигән хәбәр матбугат чараларында таралды. Нәни малайның анасы, табиблар хатасы булды, дип саный», – дигәннәр ведомствода.
Җинаять эше «Иминлек таләпләренә җавап бирми торган хезмәтләр күрсәтү» маддәсе буенча ачылган.
