Алтайда янгында 2 бала һәлак булган. Аларны әниләре үзләрен генә өйдә калдырып, өсләреннән бикләп киткән. Бу турыда «Комсомольская правда» хәбәр итте.
Фаҗига 4 мартта Турочак авылында була. Биредә 12 яшьлек кыз һәм 1 яшьлек малай үлә.
Гадәттән тыш хәлләр министрлыгы белешмәсе буенча, 21.16 сәгатьтә 112 номерына шалтыратып, янгын турында хәбәр итәләр. Янгын сүндерүчеләр килгәндә, өй тулысынча ут эчендә була. Янгын сүндергәндә 2 бала мәете табыла.
«Алар чыгарга юл тапмый, чыга торган ишек ябык була», – дигәннәр ведомствода.
Җинаять эше ачылган. «Янгында 12 яшьлек апасы белән 1 яшьлек малай һәлак була. Ата-аналары кибеткә киткән, балаларны үзләрен генә калдырганнар, чыга торган ишекне йозак белән бикләп киткәннәр», – дигәннәр Тикшерү идарәсендә.
Балаларның мәетен верандада тапканнар, алар чыгарга маташкан булгандыр, мөгаен. Ләкин ишек бикле булгач, чыга алмаганнар.
Янгын сәбәбен тикшерүчеләр ачыклый, диелә хәбәрдә.
