Җырчы, архив фотоларын карап утыргач, уйларга бирелгән һәм шул уйланулары белән социаль челтәрдәге сәхифәсендә уртаклашкан. Бактың исә, һәр дистә елга бер аның тормышында мөһим вакыйга булган икән.
– Кеше тормышы ел саен гына түгел, минут саен үзгәреп тора. Минем дә шулай. Бүгенгесе – иртәгәгә, иртәгәсе аннан соңга туры килмәгән чаклар була. Уйламаганда-көтмәгәндә вакыйгалар яңа борылыш ала.
Мондый тормыш турында хыялландыммы мин? Әйтә алмыйм. Әмма булганына мең шөкер кылам. Мин бәхетле!
Архивтагы фотоларны карап утырдым әле. 2003 ел – Лениногорск музыка һәм рәсем көллиятендә укыган вакыт; 2013 ел – тормыш иптәшем Ирек белән өйләнештек; 2023 ел – икенче кызым дөньяга туды.
Алга таба да шундый шатлыклы вакыйгалар, уңай үзгәрешләр генә булсын иде. Амин! – дигән Чәчкә.
Виртуаль дуслары да җырчы теләкләренә кушылган.
Фотолар: Чәчкәнең шәхси аккаунтыннан
