Танһчин психоневрологическ диспансер эн жил тәвн жилин өөнән темдглв. Энд тәвн жилдән олн-зүсн седклин гемтә улс эмнүлгджәнә, зарһин медицинск шинжлт кегджәнә. Эн жилмүдин эргцд больницин герт капитальн ясвр кегдсн уга. Тегәд чигн эмчнр болн гемтә улс бәәцин му таалд бәәнә.
Танһчин психоневрологическ диспансер эн жил тәвн жилин өөнән темдглв. Энд тәвн жилдән олн-зүсн седклин гемтә улс эмнүлгджәнә, зарһин медицинск шинжлт кегджәнә. Эн жилмүдин эргцд больницин герт капитальн ясвр кегдсн уга. Тегәд чигн эмчнр болн гемтә улс бәәцин му таалд бәәнә. Лидия Савкина диспансерин хамгин дамшлтта көшдләч. Энүнд һунч жилдән көдлжәнә. Хамдан көдлжәсн улсла нег жилдән йисн зун зарһин болн медицинск шинжлт кенә. Тер мет эмнүлин учрежденя профсоюзн организацин ахлач болж энүг сунһж авла. Энүнә һарджах организац баһ наста специалистнриг көдлмшт орулж авлһн, көдләчнрт социальн льгот өглһнә, тер тоод дула болн электрокүч олзлсна мөнгинь хәүр өглһнә төрмүд хаһлна. Танһчин психоневрологическ диспансерин зарһин шинжләч Лидия Савкина келсәр, иргч жилин январь сарас авн мана коллектив данцалһна мөнг авх гисн нәәлвр бәәнә. Учрежденя көдләчнрин келсәр, урднь больницд бийән наполеон эс гиж цезарь нерәдсн улс эмнүлгджәсмн, ода болхла нурһлж отч болн әәлдәчнр бәәнә. Зуг кезә эн эмнүлин учрежденьд бәәдл ясрхин тускар күн меджәхш. Танһчин психоневрологическ диспансер эн жил тәвн жилин өөнән темдглсмн. Энүг секснәс авн нег чигн дәкж капитальн ясвр кегдәд уга. Тегәд чигн гемтә улсин болн эмчнрин бәәцин таал дегд му. Лидия Савкина келсәр, өдгәц агин материальн-техническ му улас көлтә гемтә улст сән чинртә медицинск дөн күргж болжахш. Эн больниц хуучн бәцин таал уга герт бәәршлжәнә. Энүнд санитарн кемжән күцәгджәхш. Танһчин эрүл-менд харлһна министерствин көдләчнрин цәәлһсәр, психдиспансерт капитальн ясвр иргч хойр минһн арвн дөрвдгч жилд кех зура бәәнә. Ода министерствд энүнә төлә проектн-сметн документац белдхин төлә мөнгн йилһж өггдх. Танһчин эрүл-менд харлһна министрин дарук Хонһр Мутьяновин келсәр, танһчин эрүл-менд харлһна делгрлтин программар иргч хойр жилд капитальн ясвр энд кегдх. Зура темдглж авгдв, ода мөнгн кергтә. Ода болхла энд көдләчнриг болн гемтә улсиг үүмүлжәх хамгин хруц төрнь – дула өглһн. Квартальн котельн хаасна хөөн учреждениг автономн дула өглһнә системд орулв. Психоневрологическ диспансерин ах эмч Вадим Володина келсәр, проектн-сметн документац һурвн сай хойр зун тавн минһн арслнг күрчәнә. Энүнд автономн дула өгдг шин оборудовань көдлх. Иим нәәмн оборудовань кергтә. Ода автономн дула өглһнә системд орулһна төлә цуг көдлмш төгсв. Тер бйинь эмчнр болн гемтә улс даарчана. Энд кезә дула өгхин утскар ода күн келж чадшго. Министрин дарук Хонһр Мутьяновин келсәр, ода эн туст көдлмш кегджәнә. Психдиспансерин тускар бооцан сентябрь сард батлжа вгдла. Хәәсн углж тәвгдв, турва бас бәәнә. Ода энүнә төлә зөвшәл авда, һол магистральд орулх кергтә. Ода больницин ах эмч герт электрокүчәр дула өгдг прибормуд олзлх төр хаһлжана. Хальмг танһчд психоневрологическ диспансер ор һанцхн им мэмнүлин учреждень болжана. Ода энүнд онц оньг тусхах кергтә, кергтә дөн күргхлә сән болх. Дула өглһнә систем сәәнәр үвлдән көдлхлә, эн бәәх талдан чигн төрмүд хаһлгдх гиж сангдна. Елена Алексенко, Максим Мятежный
