Эндр Уфа балһснд ВГТРК бүрдәж давулжах Голос Евразии фестивалин дииләчнрин нерд медгдх. Башкирин хотл балһснд Әрәсән олн регионмудын элчнр ирв. Тенд мана үүдәгч баг бас көдлжәнә.
Эндр Уфа балһснд ВГТРК бүрдәж давулжах Голос Евразии фестивалин дииләчнрин нерд медгдх. Башкирин хотл балһснд Әрәсән олн регионмудын элчнр ирв. Тенд мана үүдәгч баг бас көдлжәнә. Эднә белдсн материал мана оньгт тусхажанвидн. Ода Башкирьт зун келн-улсин элчнр бәәнә. Келн-улсин элчнр олар бәәсн һазрт арвн дөрвн туужин болн сойлын цутхлнг бүрдәгдв. Республикт гүүнә хамгин сән чигә кеж һарһна, башкирин бал хол һазрт нерән туурулв. Наиль Хисамутдинов арвн тавн жилдән зөг өсклһнә халхар көдлжәнә. Энүнә келсәр, түрүләд зөөгин хойр өрк-бүләс эклв. Ода болзхла бүкл пасек бәәнә. Зөг өскәч Наиль Хисамутдиновин келсәр, әмтн балыг царцсн гемтә улст өгхәр авна. Цецгүдин балыг бийдән үлдәж авнавидн. Иим бал дегд сән чинртә. Башкирь келн улс дунд спорт онц эврә орман эзлжәнә. Салават Юлаев нертә хоккейн клуб Әрәсән чемпиона нер зүүлә, Гагарина кубок шүүж авсмн. Келхд, Уфа балһснд Башкирин олн-әмтнә шүлгч Салават Юлаевин бумб жирн доладгч жилд секгдв. Өндртән бумб арвн метр күрчәнә. Танһчин әмтн нертә көгжмчнрәрн бахмж кежәнә. Эднә нерн ик холд туурв. Тер тоод ДДТ багин һардач Юрий Шевчук болн дууч Земфира. Башкир келн-улс эврә көгжмин зесгтә. Эннь курай. Эн зевсг келн-улсин сойлын йоста темдг болв. Башкирин йиртмж ке-сәәхн, амтта хот-хол, курай зевсгин көгжм, алдвр башкирин бал болн чигән. Эн һазрин улс гиичнриг байртаһар тосж авна.
